sábado, febrero 20, 2010

Flory Jagoda La nona ke kanta






Flory Jagoda, nasida en el anyo 1925 en Sarajevo, Bosnia i Herzegovina, es una kantadera i gitarera djudia amerikana konosida por la su musika en ladino.



Flory Jagoda yegó a los Estatos Unitos d’Amerika en el anyo 1946, komo una novia de gerra. Eya kresió en la viya de Vlasenica i en Sarajevo. Eya dezvelopó la su kapachitá musikala kon la famiya Altaras.

La komunita sefardi de Sarajevo kaji fue destruyida tuda durante la Sigunda Gerra Mondial.

Duránte la gerra, Flory fue yevada a la adá de Korcula en la kosta de Dalmasiya. La su famiya después eskapó a Italia, ande eya konosió a Harry Jagoda, un soldado amerikano i se kazó kon el, para después yirse a los Estatos Unitos.

Flory dize ke los sus katro diskos van a representar las kuatro etapas musikalas de la su vida: El disko Kantikas Di Mi Nona, inklue kantikas las kualas la su bavá le kantava a eya duránte la su chikés. Después, de el su sigundo disko, Memories of Sarajevo (Arrikódros de Sarajevo), eya gravó La Nona Kanta, kon kantikas que eya eskrivió para los sus inyetos.

Oy endia, ya en los sus 84 anyos, Flory deklaró ke Arvoliko (The Little Tree) va ser el su ultimo disko, El arvoliko, ubikado en Bosnia, se dize ke es la unika sinyal de la tumba masiva de 42 myémbros de la famiya Altaras amatados por los Nazis.

En el anyo 2002 eya resivió un Premio a la su karriera musikala de la National Heritage Fellowship i el National Endowment for the Arts en agradesimyénto por los sus eshuérsos en sigir pasando la tradisiyon de la musika en ladino a las muevas jenerasiyones.

Este mesmo anyo, 2002, Ankica Petrovic izo un filmo dokumentalo sobro de Flory i la su vida. Afilú eya ya está aedada i en la anyada de los 80, Flory Jagoda ainda sige ensinyando, eskrivyéndo i kantando en konsertos.
(De http://www.esefard.com/)
Me sigue admirando esta gente que, durante siglos, ha conservado lengua, canciones, cocina y costumbres de sus antepasados en Sefarad.
"Ke sean bienvenidos"
Aki podreís escucharla (pass: Evrenselmuzik)

No hay comentarios: